კომპანია “აი–ბი–ესი“ (ინტეგრირებული ბიზნეს გადაწყვეტილებები) პროგრამული უზრუნველყოფის სფეროში უკვე 6 წარმატებული წელია მოღვაწეობს და თანამედროვე ბიზნესს მართვისა და აღრიცხვის ავტომატიზირებულ სისტემებს სთავაზობს.

“აი–ბი–ესი“ აღმოსავლეთ ევროპის ქვეყნებში პოპულარული პროგრამული უზრუნველყოფის მწარმოებელი ფირმა "1C"-ის ოფიციალურ, სერტიფიცირებულ პარტნიორს წარმოადგენს და მისი პროგრამის პლატფორმის გაქართულებასა და ლოკალიზაციაზე ექსკლუზიურ უფლებას ფლობს.

კომპანია საქართველოს ბაზარზე მოღვაწე ბიზნეს ერთეულებს “1C”-ის პროდუქტების ბაზაზე შექმნილ პროგრამულ გადაწყვეტილებებს სთავაზობს, რომელთა ერთ–ერთ უმთავრეს უპირატესობას მათი მოქნილობა წარმოადგენს. ნებისმიერი გადაწყვეტილება შესაძლებელია მოერგოს კონკრეტული კლიენტის მოთხოვნებს და ფუნქციონალურად გაფართოვდეს ორგანიზაციის ზრდასთან ერთად. გადაწყვეტილებები ხელმისაწვდომია ნებისმიერი მასშტაბის კომპანიისთვის და მოსახერხებელია იმ ბიზნეს ერთეულებისათვის, რომელთაც სურთ ისარგებლონ ავტომატიზაციის ერთიანი სისტემით, რადგან “აი–ბი–ეს”–ის პროგრამული პროდუქტები ერთმანეთთან დაკავშირებულია და მათ შორის ინფორმაციის გაცვლა ავტომატურ რეჟიმში ხორციელდება.

პროგრამული პროდუქტების შემუშავებისა და დანერგვის გარდა, კომპანია “აი–ბი–ესი” მუდმივად ახორციელებს კლიენტი კომპანიების კადრების სწავლებასა და სერტიფიცირებას “1C”-ის მიერ ავტორიზებულ სასწავლო ცენტრში, რომელსაც კვალიფიციური ტრენერები უძღვებიან.

“აი–ბი–ეს”–ის წინსვლას მაღალკვალიფიციური პროფესიონალები, მოქნილი პროგრამული პროდუქტები, სწორი ბიზნეს–ხედვა და განხორციელებული პროექტების შედეგზე ორიენტირება განაპირობებს. კომპანია “აი–ბი–ეს”-ს საქართველოში მოქმედ სხვადასხვა პროფილის მქონე ორგანიზაციებში განხორციელებული აქვს არაერთი წარმატებული პროექტი და ჰყავს 2000–ზე მეტი მომხმარებელი საქართველოს მასშტაბით.