პროგრამული პროდუქტი "IBS ბუღალტერია" მთლიანად მოიცავს ორგანიზაციების საბუღალტრო აღრიცხვისთვის საჭირო ოპერაციების ასახვასა და მონაცემთა ანალიზის შესაძლებლობებს, სხვადასხვა სფეროსთვის დამახასიათებელი თავისებურებების გათვალისწინებით.



ფუნქციონალური შესაძლებლობები

მარაგების აღრიცხვა
პროგრამაში შესაძლებელია მატერიალური მარაგების  შეფასება როგორც საშუალო შეწონილით, ისე LIFO და FIFO მეთოდებით. საბუღალტრო და საგადასახადო აღრიცხვაში არაა აუცილებელი გამოიყენებოდეს ერთი და იგივე მეთოდები, დასაშვებია   განსხვავებული მეთოდების გამოყენებაც.


საწყობები
საწყობებში შესაძლებელია მარაგების  როგორც მხოლოდ რაოდენობრივი, ისე თანხობრივ-რაოდენობრივი აღრიცხვა. პირველ შემთხვევაში მარაგების შეფასების შედეგი არაა დამოკიდებული იმაზე, თუ რომელი საწყობიდანაა ისინი მიღებული. თუ სასაწყობო აღრიცხვის აუცილებლობა არ არის, იგი შეიძლება გამოირთოს. ინვენტარიზაციის ჩატარების შედეგად მოხდება მიღებული მონაცემების ავტომატური  შედარება აღრიცხვის მონაცემებთან, ინვენტარიზაციის საფუძველზე ხდება მეტობის გამოვლენა და დანაკლისის ჩამოწერა.


შესყიდვების აღრიცხვა
– ადგილობრივი მომწოდებლები
– საბაჟო ოპერაციები
– არარეზიდენტებისაგან შეძენილი მომსახურეობა


მიწოდების აღრიცხვა
– ფიზიკური პირები
– დღგ-ს სერტიფიკატის არმქონე იურიდიული პირები
– დღგ-ს სერტიფიკატის მქონე იურიდიული პირები
– სპეციალური კატეგორიის მყიდველები
– დისტრიბუტორებთან ანგარიშსწორების აღრიცხვა


ბანკი და სალარო
ნაღდი და უნაღდო  ფულადი სახსრები აღირიცხება როგორც ლარში,  ისე უცხოურ ვალუტაში. ავტომატიზებულია შემდეგი ოპერაციები: ანგარიშსწორება მომწოდებლებთან, მყიდველებთან და ანგარიშვალდებულ პირებთან, ნაღდი ფულის შეტანა ანგარიშსწორების ანგარიშზე და მიღება საფულე ჩეკით, უცხოური ვალუტის შეძენა და გაყიდვა. ოპერაციების ასახვისას თანხა ავტომატურად იყოფა ავანსის თანხად და გადახდილ თანხად. საკასო დოკუმენტების საფუძველზე ხდება სალაროს წიგნის ფორმირება. რეალიზებულია ინფორმაციის გაცვლის მექანიზმი  ბანკი-კლიენტის ტიპის პროგრამებთან.


ანგარიშსწორება ანგარიშვალდებულ პირებთან
პროგრამაში შესაძლებელია მიეთითოს ანგარიშვალდებული პირებზე თანხების გაცემა როგორც ნაღდი (სალაროს გასავლის ორდერი), ასევე გადარიცხვის სახით (საგადახდო დავალება გამავალი). მიღებული თანხის ხარჯვის ნუსხის მიხედვით, რომელსაც წარმოადგენს ანგარიშვალდებული პირი, ფორმდება დოკუმენტი „საავანსო ანგარიშგება“.
ამ დოკუმენტის მიხედვით ხორციელდება:


დასაბუთებული ხარჯების ჩამოწერა
ანგარიშვალდებულის მიერ შეძენილი საქონელი აიღება შემოსავალში (ეთითება ასევე ფაქტურები, რომელიც გამოწერილი იყო ამ შეძენისას).
მივლინების შემთხვევაში ჩამოიწერება დღიური და საცხოვრებელი ფართის ხარჯები ნორმის ფარგლებში და აგრეთვე ხდება ზენორმატიული ხარჯების რეგისტრაცია.
შესაძლებელია ურთიერთანგარიშსწორება მომწოდებლებთან (იმ შემთხვევაში თუ ანგარიშვალდებულმა გაქვითა კომპანიის კრედიტორული დავალიანება).
მითითებული დოკუმენტის მიხედვით ავტომატურად ხორციელდება კალკულაცია, თუ რა თანხა აქვს დასაბრუნებელი ანგარიშვალდებულ პირს, ან რა ზედმეტი თანხა დახარჯა და რა თანხა აქვს კომპანიას მისთვის ასანაზღაურებელი. ამასთან ფორმირდება საბეჭდი ფორმა „საავანსო ანგარიშგება“.


კონტრაგენტებთან ანგარიშსწორების აღრიცხვა
მომწოდებლებთან და მყიდველებთან ანგარიშსწორების აღრიცხვა ფიქსირდება როგორც ლარსა და უცხოურ ვალუტაში, ასევე პირობით ერთეულებში.  კურსთაშორის სხვაობები თითოეული ოპერაციის მიხედვით ავტომატურად გამოითვლება. კონტრაგენტებთან ანგარიშსწორება შესაძლებელია როგორც  ხელშეკრულებების, ასევე საანგარიშსწორებო დოკუმენტების  ჭრილში.


ძირითადი საშუალებებისა და არამატერიალური აქტივების აღრიცხვა
ავტომატიზებულია ძირითადი საშუალებებისა და არამატერიალური აქტივების აღრიცხვის ყველა ძირითადი ოპერაცია: მიღება, აღრიცხვაზე აყვანა, ამორტიზაციის დარიცხვა, მოდერნიზაცია, გადაცემა, ჩამოწერა, ინვენტარიზაცია. შესაძლებელია ამორტიზაციის თანხების განაწილება რამდენიმე ანგარიშს შორის ან ანალიზური აღრიცხვის ობიექტებს შორის. იმ ძირითადი საშუალებებისათვის, რომლებიც სეზონურად გამოიყენება, შესაძლებელია ცვეთის დარიცხვის გრაფიკების გამოყენება.


წარმოების აღრიცხვა
ავტომატიზებულია წარმოებული პროდუქციისა და გაწეული მომსახურების თვითღირებულების გამოთვლა. თვის განმავლობაში გამოშვებული მზა პროდუქცია აღირიცხება გეგმიური თვითღირებულებით, თვის ბოლოს კი გაიანგარიშება ფაქტიური თვითღირებულება.                              


ნახევარფაბრიკატების აღრიცხვა
რთული ტექნოლოგიური პროცესებისათვის, რომლებიც შედგება შუალედური სტადიებისაგან, გათვალისწინებულია ამ სტადიებზე გამოშვებული ნახევარფაბრიკატების აღრიცხვა საწყობებში და მათი თვითღირებულების ავტომატური გამოთვლა.


ირიბი ხარჯების აღრიცხვა
თვის ბოლოს ავტომატურად ჩამოიწერება მიწოდების ხარჯები. ამავე დროს გათვალისწინებულია ტრანსპორტირების ხარჯების სპეციფიკა, რომლებიც შეიძლება ჩამოიწეროს რეალიზებული საქონლის ღირებულების პროპორციულად.
რაც შეეხება საერთო-საწარმოო ხარჯებს, ისინი სრულად გამოიქვითება იმ თვეში, როცა გაწეულ იქნა და მთლიანად მიეკუთვნება რეალიზებული პროდუქციის თვითღირებულებას.


დღგ–ს აღრიცხვა
ავტომატურად შეივსება შესყიდვებისა და გაყიდვების წიგნი. ამისათვის რეგისტრირდება დღგ-თი დასაბეგრი ყველა ოპერაცია, ყველა მიღებული და გაცემული ანგარიშ-ფაქტურა, სატვირთო-საბაჟო დეკლარაციები. აგრეთვე 0-ვანი დღგ-თი წარმოებული ოპერაციები და  ორგანიზაციის მიერ საგადასახადო აგენტის მოვალეობების შესრულება. თუ ორგანიზაციაში არის როგორც დღგ-თი დასაბეგრი, ასევე დღგ-გან გათავისუფლებული ბრუნვები, მაშინ მიღებული დღგ-ს თანხა განაწილდება საქართველოს საგადასახადო კოდექსის მოთხოვნათა შესაბამისად. აგრეთვე გათვალისწინებულია დღგ-ს აღდგენა, თუ მარაგი რომელზეც მიღებულია ჩათვლა არ იქნა გამოყენებული დასაბეგრ ოპერაციებზე და ამიტომ ჩათვლილი დღგ ექვემდებარება აღდგენას.


კადრების აღრიცხვა და ხელფასი; ანგარიშსწორება გადასახადის გადამხდელად არარეგისტრირებულ ფიზიკურ პირებთან
აღირიცხება პერსონალის საკადრო გადაადგილება, როგორც ძირითადი შტატის, ასევე შემთავსებლების. შრომის ანაზღაურების ავტომატური დარიცხვა; სხვა შემოსავლებისა და არაფულადი სარგებლის დარიცხვა.  ხელფასისა და სხვა განაცემებისათვის (დივიდენდი, პროცენტი და ა. შ.) საშემოსავლო გადასახადის გაანგარიშებისას გათვალისწინებულია ორგანიზაციაში ინვალიდებისა და არარეზიდენტების არსებობა. ხელფასისა და სხვა ანაზღაურების გაცემა ავანსად,  უწყისების აღრიცხვა და გადახურვა.


თვის დახურვის პროცედურები
პროგრამაში ავტომატიზებულია თვის დახურვის ოპერაციები: ვალუტის გადაფასება, მომავალი პერიოდის ხარჯების ჩამოწერა, ფინანსური შედეგების განსაზღვრა და ა. შ.


სტანდარტული ბუღალტრული ანგარიშგებები
“IBS ბუღალტერია” მომხმარებლებს სთავაზობს სტანდარტული ბუღალტრული ანარიშგებების ნაკრებს ბრუნვების, ნაშთებისა და გატარებების მიხედვით სხვადასხვა ჭრილში. მათ შორის ბრუნვებისა და ნაშთების უწყისი, ჭადრაკული უწყისი, ანგარიშის ბრუნვები, ანგარიშის ბარათი, ანგარიშის ანალიზი, ნაკრები გატარებები, მთავარი წიგნი. ჩადებულია ანგარიშგებების აწყობის ფართო შესაძლებლობები.


რეგლამენტირებული ანგარიშგებები
“IBS ბუღალტერიაში“ ჩართულია სავალდებულო (რეგლამენტირებული) ანგარიშგებები, რომლებიც განკუთვნილია საგადასახადო ორგანოების, ორგანიზაციის მესაკუთრეებისა და სხვადასხვა ინვესტორებისათვის (ბალანსის უწყისი, ნაღდი ფულის მოძრაობის უწყისი, მოგება–ზარალის უწყისი, მოგების გადასახადის დეკლარაცია, დღგ–ს დეკლარაცია, გადახდის წყაროსთან დაკავებული გადასახადების დეკლარაცია და სხვ.). პროგრამაში შენახულია წინა პერიოდის საგადასახადო დეკლარაციები, რაც გაათავისუფლებს ბუღალტერს ადრინდელი ჩაბარებული დეკლარაციების ძებნისაგან დაზუსტებული დეკლარაციების ჩაბარებისას. ფორმები ავტომატურად შეირჩევა საანგარიშსწორებო პერიოდით გაფილტვრისას.


ინტეგრაცია სხვა სისტემებთან
შესაძლებელია "IBS ბუღალტერიის" ინტეგრაცია "აი–ბი–ეს"–ის მენეჯერულ პროგრამულ სისტემებთან, როგორიცაა, მაგალითად, “IBS მაღაზია-საწყობი”, „IBS დისტრიბუცია“, „IBS სუპერმარკეტი“,  “IBS პერსონალი”.


სერვისული საშუალებები
პროგრამაში შესაძლებელია ვალუტების კურსების ავტომატური განახლება ინტერნეტიდან, ბანკი–კლიენტის ტიპის პროგრამებთან მონაცემთა გაცვლა, მონაცემთა გაცვლა ტექსტურ ფაილებთან და XML-დოკუმენტებთან.

პროდუქტის დანერგვით მიღებული ეფექტები

დამაკავშირებელი ხიდი ბუღალტრებსა და უმაღლეს მენეჯერებს შორის
გადაწყვეტილებაში აღრიცხვიანობა ისეა ორგანიზებული, რომ საბუღალტრო ანგარიშგებები პასუხობს მენეჯერების, დამფუძნებლებისა და ინვესტორების მოთხოვნებს. ანგარიშთა გეგმა აგებულია ბუღალტერიის საერთაშორისო სტანდარტების შესაბამისად.


საგადასახადო აღრიცხვის ავტომატიზაცია
თითოეული ოპერაციის რეგისტრაციისას შეიძლება გათვალისწინებულ იქნას საქართველოს საგადასახადო კოდექსის მოთხოვნები შემოსავლების აღიარებისა და ხარჯების გამოქვითვების კუთხით, გარდა ამისა ავტომატიზებულია საგადასახადო (მათ შორის დაზუსტებული) დეკლარაციების შექმნა და არქივაცია.


რუტინული და შრომატევადი ოპერაციების შესრულების ავტომატიზაცია
ასეთი სამუშაოებისათვის შემუშავებულია ავტომატიზაციის სპეციალური მექანიზმი – დოკუმენტი. იგი არის მძლავრი და მოქნილი სისტემა, რომელშიც ჩადებულია დიდი მოცულობის მონაცემების  დამუშავებისა და კონტროლის საშუალებები.  ეს  საშუალებას იძლევა სამუშაოს ნაწილი გადაებაროს იმ ოპერატორებს, რომლებიც ვერ ფლობენ  ბუღალტრის უნარ-ჩვევებს, მათი მუშაობის შედეგი კი ხელმისაწვდომი ხდება ბუღალტრისათვის.


შრომის განაწილებისა და ადმინისტრირების საშუალება
პროგრამასთან ერთდროულად რამდენიმე მომხმარებელს შეუძლია მუშაობა, ამასთან, თითოეული მათგანისათვის, როლების მექანიზმის საშუალებით, მკაცრად არის განსაზღვრული ხელმისაწვდომი ობიექტებისა და ოპერაციების ნუსხა.


ერგონომიული სამომხმარებლო ინტერფეისი
ინტერფეისი  დამწყებ მომხმარებელს უიოლებს პროგრამის ათვისებასა და უნარ–ჩვევების გამომუშავებას, გამოცდილ მომხმარებელს კი მონაცემთა სწრაფი დამუშავებისათვის მუშაობის სიჩქარის გაზრდის საშუალებას აძლევს.

  • ფიქსირდება თუ არა პროგრამაში ანგარიშვალდებულ პირებზე თანხის გაცემა და მიეთითება თუ არა რაში დაიხარჯა აღნიშნული თანხა?

  • აფორმებს თუ არა პროგრამა ბალანსსა და მოგება-ზარალის უწყისს?

  • რა მეთოდის მიხედვით ხორციელდება ფულადი სახსრების მოძრაობის უწყისის ფორმირება?

  • ფორმდება თუ არა პროგრამის მიერ ფულადი სახსრების მოძრაობის უწყისი?

  • აფორმებს თუ არა დოკუმენტი დეკლარაციის კანონმდებლობით გათვალისწინებულ ფორმას ავტომატურად?

  • აქვს თუ არა პროგრამას ხელფასების აღრიცხვის შესაძლებლობა?

  • შესაძლებელია თუ არა პროგრამაში ვალუტის კურსების ავტომატური იმპორტი?

  • საჭიროა თუ არა პროგრამაში ანგარიშების ჩაშლა ქვეანგარიშების მიხედვით?


    • ფიქსირდება თუ არა პროგრამაში ანგარიშვალდებულ პირებზე თანხის გაცემა და მიეთითება თუ არა რაში დაიხარჯა აღნიშნული თანხა?
    პროგრამაში შესაძლებელია დაფიქსირდეს ანგარიშვალდებულ პირზე თანხის გადაცემა როგორც სალაროდან, ისე გადარიცხვით. ასევე ფორმდება დოკუმენტი “საავანსო ანგარიშგება”, რომლის მიხედვითაც ფიქსირდება თუ რაში იქნა გახარჯული თანხები (შეძენილი საქონელი, დაფარული კრედიტორული დავალიანება, მივლინების ხარჯი, საცალო შესყიდვა).

    აფორმებს თუ არა პროგრამა ბალანსსა და მოგება-ზარალის უწყისს?
    პროგრამაში არის შესაძლებლობა მომხმარებლის მიერ აიწყოს ბალანსისა და მოგება–ზარალის უწყისის მუხლები, მიეთითოს რომელმა ანგარიშმა როგორი სახით იმოძრაოს. მითითებული აწყობების მიხედვით პროგრამა ავტომატურად აფორმებს როგორც ბალანსს, ასევე მოგება-ზარალის უწყისს.

    რა მეთოდის მიხედვით ხორციელდება ფულადი სახსრების მოძრაობის უწყისის ფორმირება?
    ფულადი სახსრების მოძრობის უწყისი ფორმდება პირდაპირი მეთოდით.

    ფორმდება თუ არა პროგრამის მიერ ფულადი სახსრების მოძრაობის უწყისი?
    პროგრამაში თითოეულ დოკუმენტს, რომელიც დაკავშირებულია ფულადი სახსრების მოძრაობასთან, ეთითება ფულადი სახსრების მოძრაობის მუხლები, რომელიც განსაზღვრავს მოძრაობის ტიპს (საოპერაციო, საინვესტიციო, საფინანსო), რომლის მიხედვითაც პროგრამაში ხორციელდება ფულადი სახსრების მოძრაობის უწყისის ავტომატური ფორმირება.

    აფორმებს თუ არა დოკუმენტი დეკლარაციის კანონმდებლობით გათვალისწინებულ ფორმას ავტომატურად?
    პროგრამაში მითითებული დოკუმენტების მიხედვით, რომლითაც ფიქსირდება თუ რა იყო გადახდილი დღგ და რა არის გადასახდელი დღგ, იქმნება კანონმდებლობით გათვალისწინებული დღგ-ს დეკლარაციის ფორმა.

    აქვს თუ არა პროგრამას ხელფასების აღრიცხვის შესაძლებლობა?
    პროგრამაში დოკუმენტის სახით ფიქსირდება თანამშრომლების სამუშაოზე მიღება, ეთითება დეპარტამენტი და ქვეგანყოფილება, ისევე როგორც ფიქსირებული ხელფასი თვის განმავლობაში. პროგრამაში ასევე შესაძლებელია საკადრო გადაადგილებების დაფიქსირება (დაწინაურება, დაქვეითება, სამსახურიდან გათავისუფლება). პროგრამაში შემოღებულია დოკუმენტები, რომელთა მიხედვითაც ხორციელდება ხელფასის დარიცხვა და მიეთითება როგორი სახით უნდა განხორციელდეს გადახდა (ბანკიდან, სალაროდან).

    შესაძლებელია თუ არა პროგრამაში ვალუტის კურსების ავტომატური იმპორტი?
    პროგრამაში შესაძლებელია ვალუტის კურსების იმპორტი განხორციელდეს საიტიდან http://www.nbg.ge/, რომლის მიხედვითაც "IBS ბუღალტერიაში" თარიღების მიხედვით ავტომატურად ხდება კურსების განახლება.

    საჭიროა თუ არა პროგრამაში ანგარიშების ჩაშლა ქვეანგარიშების მიხედვით?
    თითოეულ ანგარიშს აქვს საშუალება მიეთითოს 3 სხვადასხვა ტიპის სუბკონტო, რომელთა მეშვეობითაც შესაძლებელია ინფორმაციის დეტალიზაცია ანგარიშის მიხედვით. აქედან გამომდინარე არ არის აუცილებელი ქვეანგარიშების დამატება.


    კლიენტები
    აბც გრუპ
    აბრის დისტრიბუშენი
    ალიანს ლოჯისტიკ ჯორჯია
    ალიანსი საქართველო
    ახალი
    ბერლინ ქიმია
    ბიდიო
    ბილდ მენეჯმენტი
    გარანტერმ–თერგი
    გდ ალკო
    გეო ფუდს დისტრიბუშენი
    გრანდ საქართველო
    დანიური სახლი
    დიონისე
    დიპლომატ ჯორჯია

    დრ. როდგერ კონტრაქტ ქლინინგი

    ეკო ცემენტი
    ენგადი
    ეფორი*
    ვიმ–ბილ–დან საქართველო
    ვოგგ
    ზახარი
    თბილგვირაბმშენი
    თელავის ღვინის მარანი
    იბერია რეფრეშმენტსიPepsi.jpg
    ირაო
    კალინა ჯორჯია
    კნაუფ მარკეტინგ თბილისი
    ლევორი
    ლიდერ ფუდი
    მომენტალური გადახდების გაერთიანებული სისტემა (OSMP)
    ნავთობპროდუქტების სადისტრიბუციო კორპორაცია
    ორბიტა
    ორი ნაბიჯი
    ორიონი
    საგაიმპექსი
    სავაჭრო სახლი გოლეთიანი
    სავაჭრო სახლი კახელები
    საქართველოს ლატარიის კომპანია
    საქართველოს სახელმწიფო ელექტრო სისტემა
    სილქნეტი
    სუფთა წყალი
    ტელეფონი
    ,,ფიუჩარ პროდაქტს კომპანის" წარმომადგენლობა
    ფრანკე კავკასუსი
    შარმ ტრეიდინგი
    ჯეო–კოოპ
    ჯი–პი–აი
    ჯოინთი



    *     - მიმდინარე პროექტი




    პროექტები

    სიახლეები

    „აი–ბი–ესი“ ფირმა 1C-ის ოფიციალური პარტნიორია საქართველოში, რომლის თანამშრომელთა პროფესიონალიზმი დადასტურებულია
    „1C: სპეციალისტისა“ და
    „1C: პროფესიონალის“ სერტიფიკატებით.

    კომპანია „ახალი ნათება“ გადაწყვეტილება „IBS მაღაზია-საწყობით“ სარგებლობს კომპანია „ახალი ნათება“ გადაწყვეტილება „IBS მაღაზია-საწყობით“ სარგებლობს
    „IBS მაღაზია-საწყობის“ მეშვეობით „ახალი ნათების“ სავაჭრო ობიექტებს შორის შესაძლებელი გახდა ერთიანი სააღრიცხვო გარემოს უზრუნველყოფა. მაღაზიები აღჭურვილია პროგრამულ პროდუქტთან ინტეგრირებული სავაჭრო მოწყობილობებით.

    16.12.2011
    კომპანია „აი-ბი-ეს“-ს საქართველოში უპრეცედენტო რაოდენობის „1С: სპეციალისტი“ ჰყავს
    10 დეკემბერს კომპანია „აი-ბი-ეს“-ში „1С: სპეციალისტის“ პრესტიჟული სერტიფიკატის მისაღებად პროგრამისტებისა და ბიზნეს კონსულტანტების ატესტაცია ჩატარდა, ატესტაციაში მონაწილე ყველა თანამშრომელმა გამოცდა წარმატებით ჩააბარა. ამჟამად “აი-ბი-ესი“ ფირმა „1C“-ის მიერ გაცემული 59 სერტიფიკატის მფლობელია.