Login:
Password:
	Remember me on this computer
Forgot your password?

გადაწყვეტილებას გააჩნია შესაძლებლობა ნებისმიერი ორგანიზაციული სტრუქტურის მქონე კომპანიის ცენტრალური ოფისი დააკავშიროს სხვა სტრუქტურულ ერთეულებთან, როგორებიცაა რეგიონალური ოფისები, მოშორებული საწყობები, მაღაზიათა ქსელი და ა.შ. ამ დროს მმართველ რგოლს საშუალება ეძლევა ცენტრალიზებულად მართოს კომპანია ისე, რომ გააჩნდეს ოპერატიული ინფორმაცია მიმდინარე სავაჭრო პროცესების შესახებ და ფლობდეს სრულ ინფორმაციას მთელი კომპანიის მასშტაბით. ამავე დროს შესაძლებელია განხორციელდეს ინფორმაციის ანალიზი სტრუქტურული ერთეულების ჭრილში.

დაკავშირება შესაძლებელია როგორც ტერმინალური კავშირით (On line), ისე განაწილებული ინფორმაციული ბაზების (Off line) საშუალებით. ამ უკანასკნელის შემთხვევაში ინფორმაციის გაცვლა მოხდება ავტომატურად, წინასწარ მითითებული პერიოდულობით.

გადაწყვეტილების საშუალებით შესაძლებელია მმართველმა თავის თანამშრომლებს მათი საქმიანობის სფეროს მიხედვით დაუნიშნოს წვდომა პროგრამის იმ ქვესისტემასთან, რომელზეც ისინი არიან პასუხისმგებელნი, მაგ.: შესყიდვების მენეჯერი გააკონტროლებს და განახორციელებს  მხოლოდ შესყიდვებთან დაკავშირებულ ოპერაციებს, ხოლო სხვა სახის ინფორმაციასთან წვდომა არ ექნება.

"IBS მაღაზია-საწყობში" შესაძლებელია შეტანილ იქნას ნებისმიერი რაოდენობის ვალუტა, მომხმარებლის მიერ ყოველდღიურად მოხდეს კურსის განახლება და განხორციელდეს ოპერაციების დაფიქსირება (შესყიდვები, გადახდები და ა.შ.) სხვადასხვა ვალუტაში.

გადაწყვეტილებაში შესაძლებელია დაფიქსირდეს როგორც საიმპორტო, ასევე ადგილობრივი შესყიდვები, მათ შორის მომწოდებლებთან წინასწარი შეკვეთების საფუძველზე.

ყოველი შესყიდვისას შესაძლებელია ნებისმიერი დეტალიზაციით იქნას მითითებული შესყიდულ საქონელზე დარიცხული სატრანსპორტო თუ სხვა სახის დამატებითი ხარჯები, საბაჟო გადასახადი და სხვა, შესაბამისად მათი გათვალიწინებით მოხდეს საქონლის თვითღირებულების ავტომატური ფორმირება.

გადაწყვეტილებაში შესაძლებელია დაფიქსირდეს როგორც კომპანიის გასაყიდი, ისე მომწოდებლებისა და კონკურენტების ფასები და განხორციელდეს მათი ანალიზი. მომწოდებლების ფასების ანალიზის საფუძველზე სისტემა ეხმარება კომპანიას შეარჩიოს ოპტიმალური შესასყიდი ფასის მქონე მომწოდებელი და მასთან აწარმოოს შესყიდვები.

"IBS მაღაზია–საწყობს" გააჩნია შესაძლებლობა შესასყიდი ფასის საფუძველზე მოახდინოს გასაყიდი ფასების ფორმირება გარკვეული პროცენტული ფასნამატის მიხედვით.

გადაწყვეტილება საშუალებას იძლევა კომპანიამ განახორციელოს საქონლის საცალო და საბითუმო გაყიდვების ავტომატიზაცია რამდენიმე ტიპის ფასისა და ფასდაკლების გათვალისწინებით.

სისტემაში შესაძლებელია დაფიქსირდეს სხვადასხვა ტიპის ფასდაკლება: სეზონური, დოკუმენტის თანხის მიხედვით, გაყიდული საქონლის რაოდენობის მიხედვით, ასევე ფასდაკლების ბარათით გათვალისწინებული ფასდაკლებები კლიენტებისა და საქონლის დეტალიზაციით. ასევე შესაძლებელია ფასდაკლების დანიშვნა კონკრეტული დოკუმენტისათვის, მისი წინასწარი დაფიქსირების გარეშე.

გაყიდვების პროცესში შესაძლებელია მყიდველის შეკვეთის შეტანა და განსაზღვრული ვადით,  შეკვეთის მიხედვით გასაცემი საქონლის რეზერვირება მის საბოლოო რეალიზაციამდე.

გადაწყვეტილება საშუალებას იძლევა გაკონტროლდეს როგორც დებიტორული, ისე კრედიტორული დავალიანებები, აჩვენოს სრული ინფორმაცია გადასახდელი და მისაღები თანხების შესახებ, განხორციელდეს ეფექტური ანალიზი დებიტორული დავალიანებების თარიღის მიხედვით.

კომპანიას საშუალება ეძლევა აწარმოოს საკომისიო ვაჭრობა (საქონლის მიღება ან გაცემა რეალიზაციაზე) როგორც მომწოდებლებთან, ასევე მყიდველებთან, იქონიოს დეტალური ინფორმაცია თანხობრივი დავალიანებების შესახებ და აკონტროლს მათთან ურთიერთანგარიშსწორების პროცესი.

"IBS მაღაზია–საწყობი" საშუალებას იძლევა იწარმოოს სასაქონლო მარაგების აღრიცხვა ნებისმიერი რაოდენობის საწყობისათვის. საქონელი შესაძლოა აღირიცხოს ვარგისიანობის ვადებისა და მახასიათებლების მიხედვით.

სისტემაში შესაძლოა აღირიცხოს საქონლის შტრიხ-კოდები, რაც საშუალებას იძლევა სასაწყობე ოპერაციები გამარტივდეს შტრიხ-კოდის სკანერის გამოყენებით.

გადაწყვეტილებაში თითოეული საქონელი შესაძლებელია რამდენიმე განზომილების ერთეულში აღირიცხოს, მაგ: ცალი, ყუთი, შეკვრა და ა.შ. და თითოეული საქონლისათვის წინასწარ შერჩეული სამი ერთეულის მიხედვით მიღებულ იქნას ინფორმაცია მისი რაოდენობრივი ბრუნვისა და ნაშთების შესახებ.

"IBS მაღაზია-საწყობში" შესაძლებელია განხორციელდეს საწყობის ინვენტარიზაცია და პროგრამის მიერ ავტომატურად მიეთითოს გადახრა საქონლის მოსალოდნელი რაოდენობიდან ფაქტობრივ რაოდენობამდე. ინვენტარიზაციის საფუძველზე შესაძლებელია საქონლის დანაკლისისა და ნამეტის მიხედვით მოხდეს საწყობში სასაქონლო ნაშთების კორექტირება, რათა განხორციელდეს მისი რეალურთან შესაბამისობაში მოყვანა.

გადაწყვეტილებაში შესაძლებელია პროგრამაში დაფიქსირებულ ნებისმიერ ვალუტაში დაფიქსირდეს ნებისმიერი რაოდენობის სალარო და საბანკო ანგარიში. შესაძლებელია ნაღდი და უნაღდო ფულადი სახსრების შემოსავლებისა და გასავლების, ასევე მათი დაგეგმილი შემოსავლებისა და გასავლების დაფიქსირება.

პროგრამაში შეიძლება განხორციელდეს ფულადი სახსრების მოძრაობის ანალიზი ფულადი სახსრების მოძრაობის მუხლებისა და სალაროების (საბანკო ანგარიშების) ჭრილში.

გადაწყვეტილება საშუალებას იძლევა პერიოდების მიხედვით მოხდეს გაყიდვების, შესყიდვების, ნაღდი და უნაღდო ფულადი სახსრების დაგეგმვა. განხორციელდეს საქონლის მოთხოვნილების ფორმირება და მინიმალური ნაშთის კონტროლი. იწარმოოს გადახდების კალენდარი და ანგარიშგების სახით მიღებულ იქნას როგორც შესყიდვების, ისე გაყიდვების გეგმა–ფაქტიური ანალიზი.

გადაწყვეტილების ანალიზის მძლავრი და მოქნილი სისტემა საშუალებას იძლევა პროგრამაში გაფორმებული ყველა დოკუმენტის საფუძველზე მომხმარებელმა მიიღოს ანალიზი როგორც ცხრილის, ისე დიაგრამის სახით და ფლობდეს სრულ ინფორმაციას კომპანიის მდგომარეობის შესახებ. მომხმარებელს საშუალება ეძლევა დამოუკიდებლად მიუთითოს დეტალიზაციის დონეები, დაჯგუფებების პარამეტრები და მონაცემთა შერჩევის კრიტერიუმები.

გადაწყვეტილებასთან ინტეგრირებულია შემდეგი სავაჭრო მოწყობილობები:
– შტრიხ-კოდის სკანერი
– ფისკალური რეგისტრატორი
– მაგნიტური ბარათების წამკითხველი
– მყიდველის დისპლეი
– ფულის უჯრა
– მონაცემთა მოკრების ტერმინალი
– POS ტერმინალი
– ეტიკეტების პრინტერი

ნებისმიერი სავაჭრო ოპერაციის შესრულების დროს პროგრამული პროდუქტი საშუალებას იძლევა ამოიბეჭდოს ყველა საჭირო და კანონდებლობით გათვალისწინებული ოფიციალური ფორმა: ანგარიშ–ფაქტურა, სასაქონლო ზედნადები, სალაროს შემოსავლის ორდერი.

გადაწყვეტილებაში გაფორმებული ანგარიშ-ფაქტურებისა და განხორციელებული გაყიდვების, ასევე მიღებული ანგარიშ-ფაქტურებისა და შესყიდვების საფუძველზე ფორმირდება ქართულ კანონმდებლობასთან მორგებული გაყიდვებისა და შესყიდვების წიგნი (ანგარიშ-ფაქტურების რეესტრი).

პროგრამული პროდუქტი „IBS მაღაზია–საწყობი“ დაკავშირებულია „IBS ბუღალტერიასთან“. ამ ორი პროდუქტის კავშირის დროს კომპანიის სავაჭრო საქმიანობასთან დაკავშირებული პირველადი დოკუმენტები ფორმდება „IBS მაღაზია–საწყობში“ და შემდეგ ეს მონაცემები ავტომატურად, წინასწარ მითითებული პერიოდულობით ან მექანიკურად იტვირთება „IBS ბუღალტერიაში“, სადაც ხდება მათი ავტომატური გატარება შესაბამის საბუღალტრო ანგარიშებზე.