„IBS ბუღალტერიის“ მომხმარებლის კურსი ითვალისწინებს პროგრამის ძირითადი ფუნქციონალობის, ასევე მენეჯერული მართვის ელემენტების შესწავლასა და ბუღალტრული ოპერაციების დაფიქსირებას პროგრამულად. კურსი ორიენტირებულია მონაცემთა პროგრამულად დამუშავების პრაქტიკული უნარ–ჩვევების ფორმირებაზე.

თემა 1: პროგრამასთან მუშაობის დაწყება, საწყისი მონაცემების დაფიქსირება და ფასწარმოქმნა

ინტერფეისის განხილვა; ცნობარების შევსება: საკუთარი ორგანიზაციის, ორგანიზაციის სტრუქტურული ერთეულების, საწყობების, კლიენტებისა და საქონლის დაფიქსირება; ვალუტების, საზომი ერთეულებისა და ბანკების დამატება შესაბამისი კლასიფიკატორებიდან; კონტრაგენტებთან (კლიენტებთან) ანგარიშსწორების აღრიცხვის ანგარიშების აწყობა; ნომენკლატურის (საქონლისა და მომსახურების) აღრიცხვის ანგარიშების აწყობა; ნომენკლატურის ფასების ტიპების შექმნა და ფასების დადგენა, ანგარიშთა გეგმისა და სუბკონტოების მნიშვნელობის არსის განხილვა.

თემა 2: დოკუმენტების აღწერა და შესყიდვების მართვა

დოკუმენტების ზოგადი დანიშნულება და აღწერა; ძირითადი რეკვიზიტების, ინსტრუმენტების პანელის განხილვა; მონაცემთა ექსპორტი Excel–ის ფაილში; შესყიდვების დოკუმენტების სტრუქტურის გაცნობა; შესყიდვებთან დაკავშირებული ყველა ოპერაციის ფორმირება: საქონლის შემოსვლის (შესყიდვის) დაფიქსირება, დამატებითი ხარჯების დარიცხვა, განბაჟების დოკუმენტის გაფორმება, ანგარიშ–ფაქტურის შეყვანა; დოკუმენტების ასახვა როგორც ბუღალტრულ, ასევე საგადასახადო აღრიცხვაში; გაფორმებული დოკუმენტების შესახებ ანალიზური ინფორმაციის მიღება.

თემა 3: საწყისი ნაშთების დასმა, გაყიდვების მართვა და სასაწყობე ოპერაციები

საწყისი ნაშთების დასმა როგორც ხელით გატარებით, ასევე დოკუმენტებით; გაყიდვების დოკუმენტების სტრუქტურის გაცნობა; გაყიდვებთან დაკავშირებული დოკუმენტების ფორმირება და საბეჭდი ფორმების (სასაქონლო ზედნადები, ანგარიშ–ფაქტურა) დათვალიერება; საქონლის გადაადგილება, ინვენტარიზაციის დოკუმენტის გაფორმება და ინვენტარიზაციის შედეგად გამოვლენილი გადახრების (ნამატისა და დანაკლისის) გასწორება შესაბამისი დოკუმენტების მეშვეობით; მომავალი პერიოდის გასავლების დაფიქსირება; საწყობების მიხედვით საქონლის ნაშთის ამსახველი ანგარიშგების აწყობა და განხილვა.

თემა 4: სალაროს ოპერაციები

სალაროს დოკუმენტების ჟურნალის განხილვა; სალაროს შემოსავლისა და გასავლის ორდერების გაფორმება ოპერაციის ტიპების მიხედვით; საბეჭდი ფორმები; საავანსო ანგარიშგების გაფორმება; ნაღდი ფულის შიდა გადაადგილება; ნაღდი ფულის მიღება ბანკიდან; გატარებული დოკუმენტების შესახებ ანალიზური ინფორმაციის მიღება.

თემა 5: საბანკო ოპერაციები

საბანკო დოკუმენტების ჟურნალის განხილვა; საგადახდო დავალება შემომავალი და გამავალი ოპერაციის ტიპების მიხედვით; საბეჭდი ფორმები; საავანსო ანგარიშგების გაფორმება, ანგარიშვალდებული პირის მიერ ავანსად გაცემული თანხის გახარჯვა და პროგრამულად შესაბამისი ოპერაციის დაფიქსირება; ფულადი სახსრების კონვერტაცია; გატარებული დოკუმენტების შესახებ ანალიზური ინფორმაციის მიღება.

თემა 6: ძირითადი საშუალებები

ძირითადი საშუალებების ცნობარი, ჯგუფური დამატების შესაძლებლობა; ძირითადი საშუალებების შეძენა, მათი აღრიცხვაზე აყვანა: ექსპლუატაციაში გაშვება და ამორტიზაციის დარიცხვა; ძირითადი საშუალებების გადაადგილება; ძირითადი საშუალებების მოდერნიზაცია; ძირითადი საშუალებების გაყიდვა; გაფორმებული დოკუმენტების შესახებ ანალიზური ინფორმაციის მიღება, ძირითად საშუალებებზე ინფორმაცია საგადასახადო ჯგუფების მიხედვით.

თემა 7: არამატერიალური აქტივები

არამატერიალური აქტივების შემოსვლა, მათი აღრიცხვაზე აყვანა; არამატერიალური აქტივების გაყიდვა; გაფორმებული დოკუმენტების შესახებ ანალიზური ინფორმაციის მიღება.

თემა 8: ხელფასები

ფიზიკური პირების, თანამშრომლებისა და თანამდებობების ამსახველი ცნობარების განხილვა; ორგანიზაციაში სამუშაოზე მიღება; საკადრო გადაადგილება, ხელფასის ცვლილება და ორგანიზაციიდან გათავისუფლება; ხელფასის დარიცხვა, ფულადი სახსრების გაცემის ხასიათი: ავანსი, ანაზღაურება; გეგმიური დარიცხვები: პრემია, დაზღვევა, იჯარა, გამოქვითვები, დაკავებები; ხელფასის ასახვა აღრიცხვაში; საშემოსავლო გადასახადების გადახდა; სალაროდან და საბანკო ანგარიშიდან თანხის გაცემა და ამ დოკუმენტების ჯგუფურად ფორმირება; დეპონირება; ორგანიზაციის ქვეგანყოფილებების მიხედვით თანამშრომლების შესახებ ანალიზური ინფორმაციის მიღება; ანგარიშსწორების ფურცელი; გაცემული თანხებისა და დაკავებების უწყისი.

თემა 9: წარმოება

წარმოებასთან დაკავშირებული ყველა ოპერაციის განხილვა

თემა 10: თვის დახურვა და ანგარიშგებების განხილვა

ანგარიშგებების აწყობა, ფილტრაცია და მათი ფორმირება; თვის დახურვა, რეგლამენტირებული ანგარიშგებები (საგადასახადო დეკლარაციები: დღგ–ის ფორმა, საშემოსავლოს ფორმა).

თემა 11: გავლილი მასალის შეჯამება